Pequenos e maiores divírtense con xogos populares en Palas de Rei

Os cativos do obradoiro infantil de verán compartiron xornada cos usuarios da residencia da localidade

Laura Moure/Palas de Rei

O obradoiro infantil “Xogando en vacacións, verán 2022” de Palas de Rei clausurou a súa actividade, cunha xornada de xogos tradicionais e populares na Praza do Concello.

Os 85 nenos e nenas, de idades comprendidas en os 3 aos 12 anos, que participaron este verán das actividades do Obradoiro Infantil, desfrutaron cos xogos que antaño marcaron a infancia a xeración dos seus antepasados. Para comprender como xogaban antes, estaban os membros da Residencia de Maiores que acompañados por representantes da Asociación Galega do Xogo Popular e Tradicional, explicaban, aos máis novos, como se xogaba.

Preme na imaxe se quere contactar connosco.

Esta actividade, enmarcouse dentro do proxecto “Co Paso do Tempo”, na que interactuaron os nenos do Obradoiro e os usuarios da Residencia de Maiores para o desenvolvemento dun conxunto de actividades en común.