Palas de Rei celebra este venres, 3 de xullo, a súa 18ª Festa da Xuventude

Ecos da Comarca/Palas de Rei

Palas de Rei celebra mañá, venres, 3 de xullo, a décimo oitava edición da Festa da Xuventude a que se agardan máis de 2.000 persoas. Un evento que foi presentado esta semana pola Asociación Xuventude de Palas (entidade organizadora), así como por representantes do Concello de Palas, como entidade colaboradora.

 PUBLICIDADE

Preme para obter máis información.

Este venres arranca a programación festiva ás 16:00 horas cun Obradoiro Infantil dirixido ó público de 4 a 12 anos na Praza do Concello a cargo do Centro Pedagóxico Aloumiño.

Seguido, ás 18:00 horas, da xa tradicional “Ruta de bares” amenizada coa charanga Era Visto.

 PUBLICIDADE

Preme na imaxe e contacta con nós!

Pola noite, logo das 23:45 horas, actuarán a orquestra Olympus e o DJ Casanova.