Palas de Rei acollerá o día 16 unha acción formativa para voluntarios de Protección Civil

Ecos da Comarca/Palas de Rei

A Xunta de Galicia convoca na provincia de Lugo tres accións formativas para voluntarios e voluntarias de Protección Civil sobre o manexo dos desfibriladores externos, dispositivos que se utilizan en primeiros auxilios en casos  de parada cardiorrespiratoria.

O primeiro curso desenvolverase en Vilalba o 9 de novembro; a continuación terán lugar en Palas de Rei, o día 16, e Ribeira de Piquín, o 23 do mesmo mes. Están organizados pola  Academia Galega de Seguridade Pública (Agasp), que oferta 24 prazas en cada un deles, e prevén unha hora de formación teórica e catro de práctica.

Publicidade

Preme na imaxe se queres contactar connosco.

Estas actividades súmanse ao plan de formación continua da Agasp deste ano, que inclúe 41 cursos cun milleiro de prazas en distintos concellos galegos, con contidos actualizados e adaptados á realidade do traballo diario dos profesionais e voluntarios do eido das emerxencias.