Pacma pide máis efectivos e medios para investigar os lumes forestais e esclarecer as condenas

Ecos da Comarca/Xeral

Desde o Partido Animalista Co Medio Ambiente (PACMA) manifestan a súa preocupación polo “asedio forestal e animal” que cada verán arrasa miles de hectáreas en España, con graves consecuencias para a fauna, a flora e as persoas. Segundo estudos, entre o 90 % e o 96 % dos incendios con causa coñecida son atribuíbles á acción humana, xa sexa de forma intencionada ou por neglixencia, mentres que só un 4–10 % teñen orixe natural, principalmente raios en tormentas secas.

A pesar desta realidade, PACMA denuncia que unha porcentaxe moi baixa dos responsables acaban identificados e condenados, e que as investigacións xudiciais nos grandes incendios adoitan tardar máis de cinco anos en resolverse.

Publicidade

Preme na imaxe para obter máis información.

O partido lembra que as penas por provocar un incendio forestal poden chegar ata 20 anos de prisión se se pon en perigo a vida humana, ademais de elevadas multas e indemnizacións, pero reclama que estas condenas aplíquense con maior frecuencia e publicidade para disuadir futuros delitos.

Publicidade

Preme na imaxe se queres contactar connosco.

A formación política animalista e ambiental subliña que a loita contra os incendios "non debe limitarse á extinción" e reclama incrementar os efectivos e recursos policiais especializados, reforzar a vixilancia en zonas rurais e apostar pola prevención durante todo o ano, especialmente no inverno, con traballos de roza, xestión forestal e educación ambiental.