Os servizos de emerxencias traballan na recuperación dun corpo localizado no río Ulla, na Estrada

Ecos da Comarca/Xeral

Os servizos de emerxencias traballan na recuperación dun corpo localizado no río Ulla, na Estrada. Foi un particular quen alertou ao 112 Galicia dun corpo aboiado na auga. A Unidade de Apoio Loxístico (GALI) da Axencia Galega de Emerxencias (AXEGA) desprazouse ata a zona cun equipo de iluminación, aínda que o caudal do río e o difícil acceso a este fixeron que houbese que retrasar o rescate.

Onte recibiuse a primeira chamada alertando por un posible corpo aboiando nas augas do río Ulla ao seu paso pola parroquia de Santa María de Couso, pouco despois das 18:00 horas.

Publicidade

Preme na imaxe para obter máis información!

A partir disto, os xestores do Centro Integrado de Atención ás Emerxencias 112 Galicia informaron ao Servizo de Urxencias Sanitarias de Galicia-061, Bombeiros do Deza, Garda Civil, que derivaron ao lugar un equipo acuático, GES de Padrón, Emerxencias da Estrada e Policía Local tanto de Teo como da Estrada.

Publicidade

Preme na imaxe se queres contactar connosco.

Aínda con diferentes medios no punto, o rescate do corpo antollábase complicado tanto pola crecida do río como pola pouca iluminación conforme anoitecía. Así, desde primeira hora da mañá, un equipo dos GEAS da Garda Civil e outro equipo da Unidade de Apoio Loxístico da Axencia Galega de Emerxencias (GALI) atópanse no punto para colaborar co resto de equipos de emerxencias na recuperación do cadáver.