"Adicar este premio ás nosas familias que tanto nos aturan, pero sobre todo, apoian e acompañan no que facemos. Adicamos dun xeito especial a todos os que foron membros dos Melidaos ao longo destes máis de 20 anos de historia", sinalan
Laura Moure/Melide

Este mércores celebrouse a gala de entrega da XI Edición Premios Martín Códax da Música. Este premios están promovidos pola Asociación Músicas ao Vivo que nacen co obxectivo de dar visibilidade e recoñecer a diversidade e a calidade artística das producións musicais e de todo o sector musical galego. O grupo de música Os Melidaos (de Melide) obtiveron o Premio Marín Códax da Música na Categoría de Música Tradicional.
Publicidade
"Parabéns Os Melidaos. Onte recibiron o Premios Martín Códax da Música na categoría de Música Tradicional. Un recoñecemento máis que merecido para este grupo que naceu en Melide hai máis de 20 anos e que tanto traballan en prol da música e cultura galega", sinala o Concello de Melide a través das súas redes sociais.
Publicidade
"Non cabemos da alegría tan inmensa que sentimos!! Hoxe recibimos o Premios Martín Códax da Música na Categoría de Música Tradicional e estamos enormemente agradecidos ao xurado que nos nomeou e a toda xente que nos fixo gañadores dun recoñecemento tan importante
Adicar este premio ás nosas familias que tanto nos aturan, pero sobre todo, apoian e acompañan no que facemos. Adicamos dun xeito especial a todos os que foron membros dos Melidaos ao longo destes máis de 20 anos de historia.
E, por último, adicamos este premio a todas as mulleres, homes e colectivos que pensan, coma nós, que o importante non é o intérprete, senón o interpretado. Aqueles que pensan que a nosa Música Tradicional é un tesouro que cómpre conservar. Viva a nosa música tradicional e viva a música feita en Galicia", indicaron onte Os Melidaos a través do seu Facebook.
Dende o equipo de ECOS DA COMARCA: Moitos parabéns!!!
Os gañadores na imaxe:

Comments