Os gandeiros interesados en facer uso do servizo de matadoiro móbil da Xunta poderán solicitalo a partir do 15 de xaneiro

Tendo en conta esas demandas, organizaranse as rutas do matadoiro, procurando sempre optimizar este recurso

Laura Moure/Xeral

Os gandeiros interesados en facer uso do servizo do matadoiro móbil de gando ovino, cabrún e porcino posto en marcha pola Xunta poderán solicitalo a partir do vindeiro luns día 15 deste mes de xaneiro. Para encargar esta prestación, deberán chamar ao número de teléfono 982 251 201, que estará operativo a partir desa data.

Publicidade

Preme na imaxe para obter máis información!

Tendo en conta esas demandas, organizaranse as rutas do matadoiro, procurando sempre optimizar este recurso, que ten como principal obxectivo mellorar a xestión e a rendibilidade de moitas explotacións gandeiras de pequeno tamaño de zonas afastadas de grandes núcleos de poboación e situadas a distancia dos matadoiros convencionais.

Publicidade

Preme na imaxe para obter máis información.

Segundo o cronograma de traballo, o matadoiro estará plenamente operativo a partir do vindeiro día 19 de xaneiro. Nas próximas dúas semanas completarase a actual etapa de formación do persoal e de axustes técnicos, necesaria para a súa posta en marcha, e levaranse a cabo as primeiras probas en explotacións.

O matadoiro facilitará o sacrificio de ovellas, cabras e porcos -neste caso especialmente das explotacións de porco celta-, nesas zonas afastadas ou de montaña, optimizando así a xestión destas explotacións ao reducir os custos de transporte do gando e mellorando ao tempo a calidade da carne e o benestar animal.

Publicidade

Preme na imaxe se quere contactar connosco.

Os prezos do servizo oscilan entre os 10 euros para animais ovinos e cabrúns menores dun ano (contabilizando só o sacrificio e a preparación do canal) ata os 50 euros para os porcos, no caso de incluír tamén o almacenamento e transporte a punto de distribución.