Son 129 desempregados menos con respecto ao mes pasado
LauraMoure/IsmaelRS/Xeral
Os 17 municipios das comarcas de Arzúa, Deza, Terra de Melide e A Ulloa sumaron en total en marzo 3.057 desempregados tal e como informou este luns a Consellería de Emprego. Isto significa que son 129 menos con respecto a febreiro que eran 3.186.
Na comarca de Arzúa son 552 parados en total; na dezá, 1.635, na de Terra de Melide, 499 e na da Ulloa, 371 desempregados, polo que houbo un descenso nas catro comarcas sendo de medio cento menos nas dúas primeiras.
O paro aumenta só en dous municipios, pero de maneira moi lixeira. A alza é maior en Monterroso con seis desempregados máis e séguelle Antas de Ulla (+2).
Mentres descende en 14 concellos. Destaca Touro con 40 parados menos. Séguelle Agolada e Silleda onde 17 persoas, respectivamente, atoparon traballo; O Pino (16), Melide (15) e Palas de Rei, 14 menos. No resto a diminución está por debaixo de nove.
Dos 17 concellos, só nun, en Sobrado dos Monxes, se mantén o número de parados con respecto a xaneiro: seguen sendo 48.
Comentários