Orixínase un novo incendio na nave de colchóns da parroquia palense de Marzá

Ecos da Comarca/Palas de Rei

Este venres orixouse un novo incendio na fábrica de colchóns situada na parroquia de Marzá en Palas de Rei. Cabe mencionar que o último incendio se producira o pasado 4 de xullo.

Protección Civil de Pala hoxe no lugar. Autor: Ecos da Comarca.

Ningunha persoa resultou afectada e o lume queimou varios colchóns e afectou á estrutura das instalacións, construídas en chapa e cemento, tal e como informa o 112 Galicia.

Varios particulares contactaron co 112 Galicia sobre as 14 horas e explicaron que os traballadores da fábrica estaban tratando de apagar o lume desde o primeiro momento.

 Publicidade

Preme na imaxe para obter máis información.

Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061 de modo preventivo, a Garda Civil, o GES de Monterroso e os membros da Agrupación de Voluntarios de Protección Civil de Palas de Rei, así como a motobomba deste Concello.

Publicidade

Preme na imaxe se queres contactar connosco.

Pouco despois de chegar ao punto, os servizos de emerxencias informaron de que a situación estaba controlada e, pouco antes das 15 horas deron o lume por apagado.

Vídeo: https://www.facebook.com/reel/635023509296286

NOTICIA RELACIONADA:

• Orixínase un incendio nunha empresa da parroquia palense de Marzá: https://www.ecosdacomarca.com/post/orix%C3%ADnase-un-incendio-nunha-empresa-da-parroquia-palense-de-marz%C3%A1