top of page

Orixínase un incendio nunha explotación gandeira do Pino

Foto del escritor: ecosdacomarcaecosdacomarca

Ecos da Comarca/O Pino

Este luns rexistrouse un incendio no municipio do Pino. Os Bombeiros de Arzúa foron mobilizados por un particular ás 14:50 horas.


Publicidade  

Os Bombeiros de Arzúa durante as tarefas de extinción. Autor: Bombeiros de Arzúa.
Os Bombeiros de Arzúa durante as tarefas de extinción. Autor: Bombeiros de Arzúa.

Tal e como informan os propios Bombeiros o lume orixinose nunha explotación gandeira do lugar de A Quinta, na parroquia de Cebreiro.


Publicidade    

Preme na imaxe se queres contactar connosco.

"Houbo danos materiais e unha vaca permanecía deitaba no establo, aparentemente afectada. O resto do gando xa fora retirada da zona", sinalan os Bombeiros.


O 112 Galicia tamén indica que ningunha persoa resultou ferida, pero unha das vacas que se atopaban na zona na que se orixinou o lume quedou gravemente afectada. 


O aviso chegou ao 112 Galicia pouco antes das 15 horas, a través dos Bombeiros de Arzúa, que á súa vez foran alertados por un particular: un incendio estaba a queimar a zona das cortes dunha explotación gandeira. No interior había unhas catrocentas vacas e herba seca acumulada.


De inmediato, desde o 112 Galicia activouse un operativo para o que se solicitou a colaboración da Garda Civil e dos voluntarios de Protección Civil de Touro, ademais da dos Bombeiros de Arzúa. Ao mesmo tempo, informouse a Urxencias Sanitarias de Galicia-061, aos Bombeiros de Santiago, ao GES de Curtis e ao persoal do distrito forestal da zona, que non tiveron que participar.


Unha vez finalizada a intervención, os equipos de extinción confirmaron que ardeu parte da cuberta das instalacións e palla acumulada.

0 comentarios

Comentarios


IRS.gif
Copia de ¡TU Anuncio!.gif
Ecos_da_Comarca_neg.png

© 2025 por Ecos da Comarca.

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page