Orixínase un incendio nun edificio de Touro

Ecos da Comarca/Touro

O parque provincial de Arzúa recibiu aviso onte, martes, sobre as 19:10 horas por un incendio nun edificio na rúa Castelao, no concello de Touro, tal e como informa o gabinete de prensa do Consorcio Contra Incendios e de Salvamento A Coruña.

O Parque Provincial de Arzúa. Autor: Ecos da Comarca.

Ao chegar ao lugar, o dono da vivenda afecta facilitoulles o acceso e comprobaron que o lume se producira nun calefactor do cuarto de baño, atopándose xa apagado.

Publicidade

Preme na imaxe se queres contactar connosco.

Os bombeiros procederon a facer as correspondentes medicións de gases no domicilio, que deron negativo, rematando o servizo ás 20:00 horas.