A outra galaica Enara Fernández consigue unha segunda posición no trail curto de 15 quilómetros
Ecos da Comarca/Deza
O GTR Galaico Trail Run tivo representación na San silvestre de Lousame e obtivo moi bos resultados. "As e os corredores brillan a pesar de ser un día no cal a climatoloxía fixo todo o posible para dificultar a proba, xa que non parou un só intre de chover xa dende a noite anterior o cal fixo que os participantes tivesen que realizar un sobresforzo para loitar contra as caídas e lameiros que se atoparon no percorrido", indica o clube.
No trail longo con 26 quilómetros de percorrido, Olaia Conde brilla acadando o primeiro posto en féminas cun tempo de 2h 44 e a escasos tres minutos a outra Galaica Tamara García entra en segunda posición acompañándoa no podium.
Por outra banda, na parte masculina Gustavo Villar completa o percorrido nun magnífico tempo de 2h19' o cal o sitúa de posto 17° na xeral e Belén Riádigos entra en meta con 2h 57' cun 5° posto de féminas.
Por outra banda, no trail curto con 15 quilómetros de percorrido "a nosa socia Enara Fernández logrou un segundo posto con 1h 57' e Margarita Blanco cun posto 19° en féminas e un tempo de 2h 40'".
Comments