Ecos da Comarca/Deza
Ourense albergou a cuarta do Supercampeonato de España de Rallyes de Asfalto, unha proba de máximo nivel automobilístico e organizativo a nivel nacional. Tras unha espectacular cerimonia de saída, celebrada a noite do xoves, os participantes deberían superar 14 tramos cronometrados ata completar 160 km cronometrados. A nivel deportivo, a loita a tres bandas entres José Antonio “Cohete” Suárez, Alejandro Cachón e Diego Ruiloba, os tres pilotos asturianos, foi de alta voltaxe durante toda a fin de semana. Finalmente Cohete-Iglesias lograban a vitoria por diante do local Javier Pardo – De la Puente e de Cachón – Rozada.
Pola súa banda, os dezás Javier Ramos e Álex Moure saían á cita ourensá cun ritmo cómodo que lles permitise estar no TOP10 do rallye e sen asumir riscos innecesarios nun rali longo e complicado.
Publicidade
Finalmente os dezáns, a pesar dun par de contratempos (rotura da palanca de cambios en Amoeiro-1 e tras quedar sen dirección asistida en Castrelo de Miño-2 debido á rotura dunha correa), lograban o obxectivo chegando ao parque pechado final, situado no Parque de San Lázaro da capital ourensá, nun cómodo oitavo posto final.
Publicidade
“Obtivemos un bo resultado para o equipo. O noso ritmo foi bo aínda que lonxe dos participantes habituais do SCER tal e como esperabamos. Enfrontabámonos a equipos “semiprofesionales” con pilotos moi novos que están moi preparados e teñen un gran ritmo de competición. Fomos regulares e grazas a isto puidemos chegar ao final que era o noso obxectivo. A intención é poder participar, dentro de tres semanas, no Rallye Rías Baixas, a próxima cita do Supercampeonato de España de Rallyes”.
Publicidade
Comments