O Tribunal Supremo acepta que en Galicia se requira o certificado Covid na hostalería

IsmaelRS/Xeral

A sección cuarta da Sala do Contencioso-Administrativo autorizou a obriga de mostrar o pasaporte covid en determinados establecementos, asegurando que se trata dunha medida "adecuada, necesaria e proporcionada". Atende así o recurso da Xunta ante un posicionamento contrario do Tribunal Superior de Xustiza de Galicia.

O Supremo considera que pedir este documento supón máis beneficios que sacrificios, é rexeita que se vulnere a equidade, a protección da intimidade ou a privacidade de datos.