O Rodeiro de Tapas 2024 celebrase en dúas datas, o último fin de semana de xuño e outra, en outono

Os hosteleiros, segundo o goberno local, tildan de éxito á Festa do Chuletón e barallan ofrezar o menú desta xornada festiva durante todo o ano

Laura Moure/Rodeiro

O goberno de Rodeiro mantivo unha reunión cos hostaleiros do municipio para escoitar as súas valoracións sobre a festa do Sabor Labrego e do Chuletón así coma para o Rodeiro de Tapas 2024. Os concelleiros Alberte Lamazares e Xulia Dacal tomaron nota das opinións dos distintos hostaleiros sobre a Festa do Chuletón, que o sentir unánime foi o de éxito pola festa e xa están pensando na do ano que vén. Tamén se tomou en consideración que os distintos restaurantes ofrezan o menú da Festa do Chuletón todo o ano para convertir a Rodeiro na capital do chuletón de tenreira.

Por outra banda, tamén se lles preguntou pola organización do Rodeiro de Tapas. O goberno preguntoulles se lles parecía mellor amplificar este evento a dúas datas, unha en cada semestre do ano, idea que lles pareceu do seu agrado, polo cal o Rodeiro de Tapas 2024 celebrase en dúas datas, o último fin de semana de xuño e unha segunda entrega, que está sen definir, pero que será na época do outono, meses baixos para a hostalería polo que a nova se tomou con alegría. Este segundo Rodeiro de Tapas que se celebrará en outono, terá como temática os produtos do monte e do outono: cogomelos, castaña, caza, mel, etc

Publicidade

Outro tema a tratar foi o de facer coincidir o Rodeiro de Tapas cos cantos de taberna. "Dende o goberno escoitamos varias queixas por parte de bares e restaurantes por estes dous eventos á vez. O que se nos trasladou foi que algúns locais teñen pouco espazo e non é doado dar atendido aos clientes, entre outras circunstancias", explican dende o Concello.

Neste aspecto os hostaleiros pediron ao goberno que os cantos de taberna se celebre nunha data distinta o das tapas, o cal se probará este ano para ver como vai. Tamén se nos solicitou que sexa un só fin de semana en xuño e outro no outono. Os concelleiros terán en conta esta petición.

Publicidade

Preme na imaxe se queres saber máis desta empresa.

En definitiva, os edís escoitaron todas as achegas dos implicados e actuarán en consecuencia.