top of page

O PSOE de Lalín ve a un Crespo "con medo e falto de argumentos para xustificar a súa mala xestión"

“Sabemos que nos ve como o único rival, posto que é contra o único partido que

arremete, algo ao que nos ten acostumados”, indica a concelleira socialista Alba

Forno


Ecos da Comarca/Lalín

"O Partido Popular de Lalín ten acostumado ao PSdeG-PSOE aos ataques continuos, en

plenos, notas de prensa, publicacións en redes e demais. Mais, esta fin de semana fixo

unha mostra do medo que lle ten aos socialistas de cara ás eleccións a través dunha

opinión baleira de argumentos e con pouco que contar á veciñanza. Vemos como

nunha “opinión” do único partido que fala é do PSOE, esquecéndose de que na

oposición hai máis partidos. Quizais isto reflexa que ao único partido que ve como

principal rival é o noso”, alude a concelleira socialista e secretaria xeral, Alba Forno.

Alba Forno.

Entre outros argumentos, fala de que a actual política contrasta coa de antes e dende

o PSdeG quérenlle recordar porque é totalmente diferente. "Un dos puntos claves é

falta de transparencia e de democracia que o equipo de José Crespo exerce cada vez

que está no Goberno". “O único que fai é crispar á oposición poñéndolle trabas para

acceder a informes ou dándolle acceso a documentación 50 minutos antes dun pleno,

impedindo así que poidamos ler e estudar os temas e fiscalizar a labor que fan, que lle

lembramos que esa é o noso traballo, posto que representamos a unha boa parte da

veciñanza”, recrimínalle Forno.


Xa que fala de “versión máis ruidosa, enfurecida e superlativa”, os socialistas

convídano a que mire como eran os plenos durante o cuatripartito e como son agora.

Forno indícalle que “só botando unha ollada darase conta da gran diferenza. Cremos

que agora conta cunha oposición exemplar, polo menos dende o noso partido non hai

faltas de respecto constantes. Porén, vemos como eles aproveitan para aludir a temas

persoais dos nosos concelleiros e incluso trasladan isto familiares dos nosos

concelleiros, que nin forman parte da corporación nin do noso partido”.

Por outra banda, sinala que "non asume a súa mala xestión", pero dende a bancada socialista mencionan temas "coma o CIS, que leva anos de retraso da súa man; as obras do Xesús Golmar, máis do mesmo; a ausencia de ambulancia medicalizada, que nin está nin se lle espera; as pistas de atletismo, que seguen sen avanzar; o saneamento integral do rural, que practicamente non houbo ningún de tantos que prometeu; máis de 3 millóns de euros de facturas reparadas e un longo etcétera. Non asume a mala xestión do seu equipo de Goberno, pero os feitos demostran todo o contrario. Con el no Goberno volve a débeda e volven os “amiguismos”, iso si que o sabe facer ben”, apunta a concelleira socialista.


0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page