top of page

O PSOE de Lalín cuestiona a transparencia nas bases dos campamentos e a falta de información

Indica que estas "non están dispoñibles na páxina

web e tampouco se pode tramitar a solicitude vía sede electrónica"


Ecos da Comarca /Lalín

O PSOE de Lalín cuestiona a transparencia nos campamentos de verán, "posto que as

bases dos mesmos non se encontran dispoñibles na páxina web. Hai unha gran falta de

información dispoñible na páxina web e que é de importancia para as familias que queren

solicitar este servizo”.

“O Goberno leva inmerso na campaña electoral dende principios de ano, ou xa dende o

pasado ano, e agora a veciñanza paga as consecuencias da súa ausencia de xestión”,

explican dende o grupo socialista. "O 4 de xuño anunciaron unha serie de campamentos

nas redes sociais e prensa e a inscrición abriuse o 5. Segundo indicaron na información

publicada nas redes sociais e en prensa, a solicitude podíase facer de maneira presencial

ou vía sede electrónica e que se completarán as prazas por rigurosa orde de entrada", explican.


“Como é posible que, tendo estas condicións, as familias non poidan solicitalo a través da

sede electrónica e só se poida facer asistindo de maneira presencial ao Concello?”,

preguntan dende o grupo socialista e tamén cuestionan “a quen favorecen estas bases,

porque numerosas familias non poden achegarse ata o Concello e nestes momentos xa

hai lista de agarda. Non pode ser que queden forma por non poder solicitalo en tempo e

forma”. Ademais, recalcan, que o anuncio foi dun día para o outro, polo que “aquelas persoas que non estivesen atentas as redes ou prensa xa non puideron facelo”.

Dende o PSOE de Lalín afirman que isto é “un escándalo” e que xa recibiron numerosas

queixas de familias que non poden achegarse ata a casa consistorial para facer os

trámites pertinentes, porque o horario laboral non llo permite. Tamén aluden a que nestes

momentos xa hai lista de agarda para os mesmos, polo que xa moitos nenos e nenas se

quedarán sen ningún campamento. “Non se pode xogar con algo tan sensible como a

conciliación familiar, porque é un servizo fundamental”.


0 comentarios

Commentaires


IRS.gif
Copia de ¡TU Anuncio!.gif
Ecos_da_Comarca_neg.png
bottom of page