O PSOE agradece que Crespo "recoñeza que os socialistas conseguiron 5 M€ de euros para Lalín"

"Crespo formou parte da comisión de Fomento e no seu periplo como Senador, durante catro anos, non presentou ningunha iniciativa para Lalín”, recrimina

Ecos da Comarca/Lalín

Dende o PSOE de Lalín agradecen que o alcalde, José Crespo, recoñeza que os/as

socialistas acadaron cinco millóns de euros para Lalín, e non como afirman na súa campaña polas aldeas que foi grazas a “boa xestión” de Crespo. Pídenlle ao goberno do PP que non se preocupen: “Se fan as cousas ben a UE sempre paga, pero se as fixeron mal ou hai dúbidas da súa xestión, aumentará a fiscalización. Todo depende de como gasten os cartos que pediron”, afirman.

Dende a bancada socialista lamentan que habendo tantas posibilidades de financiamento renuncien a presentarse a convocatorias do Plan de Recuperación, que tanto pretenden pisotear. “O seu partido xa o quixo tumbar en Bruxelas, pero non o lograron. En lugar de

dicir que “Lalín non vería un só céntimo de Fondos Europeos”, deberían dicir que non chegan máis porque Crespo deixa pasar convocatorias como a das Comunidades Enerxéticas, que pedimos os/as socialistas de Lalín, Plans de Sustentabilidade Turística, que tamén solicitamos, e outras partidas que se perden por presentar proxectos que non se axustan aos requisitos do Plan”.

Preme na imaxe para acceder á web desta empresa.

O grupo socialista de Lalín lémbralle a Crespo que el estivo catro anos no Senado e nese

tempo non hai rexistrada nin unha soa iniciativa súa, intervención ou pregunta relacionada

con Lalín. “É máis, formou parte da Comisión de Fomento e durante ese período

esqueceuse de pedir que se rebaixase a peaxe da AP-53, que é tan cara por culpa do seu

partido. Só se lembra cando o Estado está gobernado por outros partidos que non son o

PP. É lamentable, porque se volvesen gañar os seus, as firmas que están a recoller irán

parar a un caixón”, sinalan.

Preme na imaxe se queres contactar connosco!

Por último, agradecen a confianza do PP no eurodiputado socialista lalinense, Nicolás

González Casares, xa que “eles teñen un desta mesma provincia, pero de seguro que nin

o nome lle saben e non lle fixeron ningunha petición para Lalín”.