O PSdeG de Lalín celebra que o bono comercio se active, pero pide máis ambición na súa dotación

“Desde o primeiro momento defendemos que esta iniciativa debería contar cun mínimo de 40.000 euros para que a inxección económica fose realmente perceptible”, explica Forno

Ecos da Comarca/Lalín

A secretaria xeral do PSdeG-PSOE de Lalín, alba Forno, valorou positivamente que por fin se active o bono comercio, unha medida proposta polos socialistas e aprobada polo pleno hai máis de dous anos. A tamén voceira municipal sinalou que “o importante é que esta ferramenta se poña en marcha, porque é unha medida útil para dinamizar as compras e apoiar ao comercio local”. Con todo, os socialistas consideran que a dotación inicial de 20.000 euros queda curta para xerar un impacto significativo no tecido comercial do municipio.

 Publicidade

Preme na imaxe para obter máis información do evento.

“Desde o primeiro momento defendemos que esta iniciativa debería contar cun mínimo de 40.000 euros para que a inxección económica fose realmente perceptible”, explicou Forno.

  Publicidade

Preme para obter máis información.

O grupo socialista destacou que o comercio local precisa medidas con ambición, especialmente en meses nos que a actividade adoita ser menor, e insistiu en que o Concello debe avaliar o resultado desta primeira convocatoria para ampliar a súa dotación no futuro. “O bono comercio é unha boa ferramenta. Agora toca facelo crecer e darlle continuidade”, concluíu a portavoz socialista.