O programa Silleda Camiña volve a partir de marzo

As rutas serán dous días á semana con saídas guiadas dende o pavillón municipal César González Fares

Ecos da Comarca/Silleda

O programa Silleda Camiña volve  o vindeiro mes de marzo, con andainas biosaudables, abertas a todas as persoas interesadas. Haberá como vén sendo habitual rutas guiadas dende o pavillón municipal César G. Fares, que se celebrarán dous días a semana (en horario de mañá e de tarde, respectivamente).

Todas as persoas que estén interesadas en participar poden recibir máis información no Concello de Silleda (departamento de Deportes) ou remitir un mail cos seus datos a info@silleda.gal

Publicidade

Preme na imaxe para obter máis información do evento.

Este programa, que se puxo xa en marcha en 2021 dende os departamentos de Deportes e Turismo para fomentar hábitos saudables, os desprazamentos a pé e tamén o coñecemento de espazos turísticos, volta para seguir mellorando a saúde da cidadanía.

Publicidade    

Preme na imaxe se queres contactar connosco.

Neste marco, e de xeito transversal, o programa vaise a diversificar tamén este ano cunha nova iniciativa, que tamén arrancará en marzo. Trátase dunha actividade que fomentará o exercicio físico ao aire libre, en distintos espazos públicos e que se enmarca no Plan de Saúde Mental, a fin de mellorar o benestar emocional das persoas participantes.

O prazo para participar en ámbalas dúas actividades está xa aberto.