O programa “Ler conta moito” trae a Silleda un taller de robótica o vindeiro xoves 28

Laura Moure/Silleda

O vindeiro xoves día 28 de setembro ás 18:00 horas, no salón de actos da Casa da Xuventude de Silleda, os nenos, nenas e a mocidade do municipio poderán desfrutar da actividade “Olimpíada tecnolóxica-robótica creativa”, impartida por Leader Dreams.

Publicidade

Preme na imaxe para obter máis información!

Durante 90 minutos as persoas participantes poderán aprender sobre o mundo da robótica dunha forma máis lúdica e creativa, ademais de experimentar coa tecnoloxía. Trátase dun taller dentro programa “Ler conta moito” da Xunta de Galicia, que pretende dinamizar a lectura nas bibliotecas públicas e converter a estas en espazos abertos e participativos nos que realizar actividades entorno a diferentes temas.

Publicidade

Preme na imaxe se queres contactar connosco.

A través deste programa xa se celebraron nos últimos meses actividades como un obradoiro de dobraxe e a proposta “Rúa Fernández del Riego”, para conmemorar o Día das Letras Galegas.