O programa integrado de Palas pon en marcha a formación para 100 participantes con 30 accións

Está dirixido só para mulleres e promovido e cofinanciado pola agrupación de concello de: Palas de Rei, Monterroso, Antas de Ulla, Portomarín, Páramo e Guntín

Laura Moure/Palas de Rei

O programa integrado do Concello de Palas de Rei pon en marcha a formación para as 100 participantes con 30 accións formativas en modalidade teleformación con accións colectivas presenciais de reforzo para favorecer a participación. 

Dito programa, dirixido unicamente a mulleres, está financiado pola Consellería de Promoción do Emprego e Igualdade e promovido e cofinanciado pola agrupación de concello de: Palas de Rei, Monterroso, Antas de Ulla, Portomarín, Páramo e Guntín.  As participantes son de estes citados municipios e de municipios da provincia de Coruña como Melide, Arzúa, Sobrado, Boimorto, Toques e Santiso. 

Destacar o interese das alumnas por formarse en diversas materias para as cales a participación é de mais de 20 alumnas e son temáticas relevantes para a mellora da inserción laboral e do desenvolvemento socioeconómico da comarca, posibilitando a inserción laboral das mulleres en situación de desemprego e as empresas a atopar persoal cualificado.

En canto a temática e número de participantes, convén destacar:

- En Internet, redes sociais e dispositivos dixitais, 23 alumnas

- Inserción laboral, sensibil. Medioambiental e na igualdade de xénero, 24 alumnas.

- Inglés Prosesional para turismo, 21 alumnas

- Básico de prevención de riscos laborais, 21 alumnas

- Manipulador de alimentos, 31 alumnas

- Habilidades sociais, comunicación, intelixencia emocional e traballo en equipo, 22 alumnas

- Acompañante de transporte escolar, 36 alumnas.

- Monitor de Tempo libre, 22 alumnas.

Preme na imaxe se quere contactar connosco.

As acción formativas a realizar serán 30 con duración que varía e toda formación do catálogo de especialidades formativas do Catálogo do Sepe. A plataforma para a formación estará aberta dende o día 8 de agosto ata finais de outubro para que todas as alumnas podan facer a formación e prácticas en empresas para así acadar unha mellor cualificación e procurar a inserción laboral co apoio do asesoramento técnico das orientadoras do programa.