O programa de emprendemento Go2work Pontevedra recala en Silleda con inscricións abertas ata o 11

As sesións están dirixidas a persoas en fase de idea de negocio ou ben xa con empresas en funcionamento que precisen formación ou axuda para medrar

Laura Moure/Silleda

O programa de emprendemento Go2work Pontevedra, da man da Deputación de Pontevedra, recalará en Silleda nas vindeiras semanas. Este programa, con mentorías que se desenvolverán nas instalacións do Viveiro de Empresas de Área 33, están dirixidas a

persoas emprendedoras en fase de idea de negocio, ou ben xa con empresas en funcionamento pero que precisen formación/axuda para medrar. En total serán 60 horas de formación en distintas materias.

Preme na imaxe para acceder á web desta empresa.

O programa, que tamén se impartirá en Vigo e Tui, segue a metodoloxía da Escola de Organización Industrial (EOI), que busca poñer en marcha nun corto espazo de tempo as ideas das persoas emprendedoras. A través destas sesións as persoas participantes terán acceso a Talleres Formativos, impartidos por expertos en diferentes áreas (Innovación, Marketing, Financiación, Comunicación…) así como a Mentorías Individuais con mentores/as que os acompañarán no desenvolvemento do proxecto.

Preme na imaxe se queres contactar connosco!

O prazo de inscripción estará aberto hasta o vindeiro martes 11 de abril e a duración do programa é de dous meses e medio. As persoas interesadas poden inscribirse na web www.eoi.es, nos espazos coworking. Para obter máis información, tamén se pode contactar co teléfono 653 295 786 ou ben a través do correo electrónico cwpontevedra@eoi.es