Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

O PP de Santiso lamenta a falta de apoio para pedir unha moratoria da revalorización do IBI

Esta proposta fora presentada polos populares e foi votada en contra no pleno polo BNG e o PSOE


Matilde Pallares, a voceira do PP de Santiso, presentou no nome do seu grupo unha moción para o seu debate no pleno municipal co fin de solicitar unha moratoria ao Ministerio de Facenda sobre o catastrazo que afectará a meirande parte dos

veciños de Santiso. Os populares lamentan que "o grupo do goberno nacionalista de

Manuel Adán non teña a sensibilidade de loitar polos intereses dos veciños ao votar en contra nunha cuestión de máximo interese, sobre todo nos tempos que vivimos".


"Unha segunda revalorización catastral en apenas cinco anos e que afecta a preto de 4.000 referencias catastrais revisadas a alza, co correspondente desembolso engadido que suporá para a veciñanza, encima do ano de pandemia", apunta. Por iso, apelan "a unidade política local para defender os intereses dos veciños, pero unha vez máis cando a iniciativa proposta non vén da man do equipo de goberno, senón do grupo do PP, recházana sen máis", cuestionan.


Os concelleiros do PP de Santiso.

Tamén insisten noutros aspectos. "Expoñimos que o PXOM xa estaba aprobado cando se fixo a primeira revisión, polo cal se puideron volcar os datos nunha única revisión. Por outro lado, hai parroquias nas cales, a pesares de que xa fai anos que fan uso das novas fincas de concentración parcelaria, os títulos de propiedade das novas parcelas están próximos a entregarse, pero mentres non os teñen, nesta revisión van pagar polas parcelas antigas que aportaron ao proceso de concentración no seu día, creando máis desconcerto aínda", apuntan. " Estes veciños terán que sufrir aínda outra nova revalorización máis adaptándoa as novas fincas resultantes. Tampouco isto lles preocupa os nacionalistas e socialistas de Santiso", engaden.


Por outra banda, o PP tamén pedía a rebaixa do tipo impositivo o mínimo legal, "que aínda que non supuxese moito importe, nesta situación todo axuda, máis cando trae carácter retroactivo de catro anos, pero tampouco o consideraron fundamental dende as filas de BNG e PSOE. Nin siquera poñer unha oficina de información, gratuíta para os veciños na que poideran solventar as dúbidas xurdidas, que non son poucas, e as cales non teñen resposta nestes momentos os veciños por parte do Concello. Respóndemnos dicindo que este imposto non o consideran elevado, que hai que pagar polas propiedades que se teñen, pero en Santiso servizos esenciais como suministro de auga, alcantarillado, etc moitas vivendas aínda non os teñen", asegura.


A pesar de todo, os populares agardan a que se dé marcha atrás e teñan en conta as súas propostas. "Sentimos que a administración máis cercana os veciños, que é o Concello, non esté disposto nin a facer a solicitude ao Ministerio de moratoria e anulación do carácter retroactivo de catro anos, cando neste caso é falla de coordinación entre administracións da mesma cor política ( a local e a estatal, BNG e PSOE). Estas demandas foron rexeitadas con votos en contra do propio BNG (catro) e do Ps de G (un), votando só a favor os dous concelleiros do PP de Santiso", indican os populares, pero confían en que isto poida cambiar. "Temos a esperanza que un día rectifiquen e consideren as nosas propostas que beneficiarían os veciños de Santiso".



354 vistas0 comentarios
IRS.jpg

ESPAZO DISPOÑIBLE PARA ANUNCIARSE