top of page

O PP de Melide lamenta que o bipartito "tire do aforro para gastos que tiñan que estar no orzamento"

Ecos da Comarca/Melide

"Cun orzamento municipal aprobado oito meses tarde, no que o goberno de Pérez xa leva feito dous axustes por importe de 1,2 millóns de euros, un ano máis os veciños de Melide pagarán os mesmos impostos e recibirán menos a cambio", acusan os populares. O PP de Melide sinala "que se ben os informes da Intervención Municipal xa advertían dende o mes de febreiro que o gasto en bens e servizos debería de controlarse pola situación de recesión económica na que se atopa a zona euro o alcalde, J.M. Pérez, aproba unha partida orzamentaria financiada con aforros municipais de 600.000 euros".

A localidade melidense. Autor: Ecos da Comarca.

Desa modificación, puntualiza, "só 250.000 euros van ser destinados á sufragar custes de enerxía eléctrica sendo o resto distribuído en diferentes partidas que segundo os informes económicos financieros dos que dispón o PP e ningunha partida vai destinada a financiar obras, infraestruturas ou melloras na calidade de vida dos veciños e veciñas de Melide".


Ademais, insiste en que "financiar con aforro municipal partidas como “Prensa, revistas, libros e outras publicacións”, “Xurídicos contenciosos”, “Outros Traballos realizados por outras empresas e profesionais” ou mesmo “Outros gastos diversos” onde se destinan partidas de ata 150.000 euros resulta canto menos sorprendente cando hai un mes que se presentaron os orzamentos no pleno".

Dende o grupo municipal do PP de Melide recalca que "lamentamos profundamente que esta mala xestión recorrente ano tras ano como se pode extraer dos informes técnicos municipais non destine o aforro das arcas públicas a baixar impostos, mellorar servizos ou incrementar infraestruturas nun momento tan delicado para a economía das familias".

0 comentarios

Entradas Recientes

Ver todo

Comentários


IRS.gif
Copia de ¡TU Anuncio!.gif
Ecos_da_Comarca_neg.png
bottom of page