O PP de Melide insta ao bipartito a executar ás obras de urbanización "con todas as garantías"

En concreto pon o foco na actuación da Rúa Uruguay e que o PP no seu momento se abstivo "polas deficiencias manifestas que presentaba o proxecto"

Ecos da Comarca/Melide

O PP de Melide insta ao bipartito a executar ás obras de urbanización "con todas as garantías para á veciñanza melidense". Incide "nos prexuízos de urbanizar rúas sen os servizos básicos municipais” facendo fincapé na Rúa Uruguay e contorna "onde non se previu no proxecto a rede separativa e agora ao executarse as obras confluirá coa Avenida de Toques – Friol as augas residuais e pluviais xuntas", cuestión que a portavoz popular, Dalia García, insistiu e puxo de manifesto no pleno municipal onde o goberno Pérez-

Prado aprobou esa obra.

Foto de arquivo.

Ademais, recalca en que "por se fose pouco, e sendo manifesto o descoñecemento da realidade urbanística melidense, esta obra non cumpre coa accesibilidade. Isto é, a normativa urbanística que é preceptiva e que o alcalde, J.M. Pérez tanto se loubou en

predicar que o seu goberno “cumpriría”". Asímesmo, apunta o PP "que as beirarrúas para

cumprir accesibilidade serán de 1,80 metros libre de obstáculos que non se cumpre nin de lonxe".

A portavoz dos populares melidenses subliña “que aínda que en solo urbano non operan estrictamente as limitacións de urbanización é certo que non é entendible que se proxecte unha obra e non se trate de atopar unha solución técnica adecuada para á accesibiliade na urbanización, cuestión que queda unha vez máis en evidencia froito da falta de rigor e traballo do desgoberno que lamentablemente vivimos en Melide”.

Preme na imaxe se quere contactar connosco.

Dende a formación tamén reclaman "que se respete a propiedade privada" e instan "a que se modifique o proxecto para instalar a rede separativa ao igual que se retiran as tubaxes de auga que non están incluídas no proxecto inicial e que, por suposto, o bipartito AM-PSOE si vai sufragar. Non teñen excusa para retirar outros obstáculos como por exemplo, os postes de tendido telefónico de madeira que invaden, cun feísmo extraordinario estas rúas".