O PP de Cruces sinala que "grazas a súa insistencia" iniciouse a reparación do vial da Balsiña en Toiriz

Ecos da Comarca/Vila de Cruces

O Partido Popular de Vila de Cruces sinala "que grazas á súa constante insistencia ao goberno municipal, mediante a presentación de mocións nos plenos e notas de prensa, logrouse dar inicio á reparación do vial da Balsiña na parroquia de Toiriz".

"Durante moito tempo, os veciños da parroquia de Toiriz e concretamente a propietaria do establecemento de turismo rural “O muiño da Balsiña”, manifestaron a súa preocupación polo estado deteriorado do vial da Balsiña que ademais influíu negativamente nas reseñas deste establecemento. Conscientes desta situación e escoitando as demandas veciñais, o Partido Popular de vila de Cruces traballou incansablemente para que este problema fora abordado e solucionado polo goberno municipal", recalcan os populares.

Publicidade

Preme na imaxe se queres saber máis deste evento.

A presentación sistemática e perseverante de mocións nos plenos municipais, apuntan, así

como as notas de prensa emitidas polo Partido Popular de vila de Cruces "permitiron visibilizar a importancia urxente que tiña a reparación deste vial. Isto levou finalmente a que o goberno municipal tomara medidas concretas para atender esta problemática".

Publicidade

Preme na imaxe se quere contactar connosco.

"O inicio tan esperado, despois dun ano de espera, por parte do goberno municipal para reparar o vial representa unha satisfacción non só para o noso partido político, senón tamén para todos os residentes e usuarios habituais do tramo afectado. Esta reparación contribuirá significativamente a mellorar a calidade e seguridade viaria do noso Concello. Esperamos ademais que despois do longo período de espera, satisfagan outra das peticións da propietaria da Casa Rural colocando sinais indicadoras deste establecemento", conclúe o PP.