Ecos da Comarca/Vila de Cruces
No día da celebración das Letras Galegas o PP de Vila de Cruces resaltou o poder da cultura. "Unha fonte que proporciona diversas experiencias emotivas e intelectuais e que nos aporta numerosos beneficios físicos, psicolóxicos e sociais. A cultura, a súa capacidade para xerar ese sentimento de unión, identidade e vitalidade. Unha fonte que tamén aporta crecemento, progreso e recursos económicos para o noso municipio".
E reiterou as súas propostas neste eido:
- Daráselle un novo uso ó CEIP de Merza enfocado á formación musical.
- Posta en marcha da Escola Municipal de Música.
- Apoio económico na contratación de bandas, corais e grupos folclóricos do pobo para
realizar actuacións no termo municipal, a través dos colectivos culturais, asociacións, Centros Educativos e Residencia Municipal de Maiores. Poderán facer un máximo de 14
actuacións.
- Impulsar a Fundación Xosé Neira Vilas e a Fundación Paco Lareo A Solaina de Piloño,
mediante apoio económico e promoción a nivel nacional e internacional.
- Institucionalizar o 21 de agosto como o día de PACO LAREO, creador da Fundación
Paco Lareo A Solaina de Piloño.
- Recuperación da Feira do 21 que levará consigo a exposición da arte e da artesanía
gastronómica.
- Dotar ó IES Marco do Camballón cun premio para a promoción das actividades das
Regueifas.
- Colaboración e difusión do GALAICO BRASS FESTIVAL.
- Programación de actividades nos catro auditorios de Vila de Cruces, con actuacións
periódicas.
- Apoio económico ós tradicionais entroidos do Ulla (Salgueiros, Piloño e Merza), así como a súa difusión e a promoción de intercambios.
- Potenciar como atractivo cultural o Desenclave da Semana Santa en Oirós.
- Posta en valor do Observatorio Zarragrande, e recoñecemento ó seu fundador, D. José
María López co nome dunha rúa no casco urbano de Cruces.
- Rutas turísticas culturais para descubrir a nosa historia.
"A nosa cultura, a nosa identidade, a mostra dunha sociedade vibrante! #EntreTodos", recalca.
Comments