O pleno de Silleda aborda hoxe a adxudicación do PON2030 á empresa Excavaciones Midón S.L.

Tamén figura na orde do día a aprobación da bonificación do IBI a un total de 125 explotacións agropecuarias do municipio

Laura Moure/Silleda

A corporación municipal de Silleda celebra hoxe, xoves, o pleno ordinario correspondente ao mes de maio (tralo acordo de traslado dos grupos políticos á xornada de mañá) con varios asuntos na orde do día. Así, ademais da aprobación da bonificación do IBI a un total de 125 explotacións agropecuarias do municipio, tamén se abordarán cuestións como a contratación da obra de Mellora da Mobilidade Peonil e Rexeneración Urbana na avenida Recinto Feiral e a rúa Arturo Pérez Lázara, cofinanciada entre o Concello de Silleda e a Deputación de Pontevedra a través do programa PON2030.

O Consistorio de Silleda. Autor: Ecos da Comarca.

A proposta da mesa de contratación, que se elevará ao pleno de hoxe, pasa por adxudicar esta actuación á empresa Excavaciones Midón S.L., que presentou a mellor das ofertas ao procedemento aberto, ao que concorreron un total de 6 empresas. O orzamento de adxudicación proposto é de 802.977,48 euros, incluindo ademais melloras como a

reducción do prazo de execución dos traballos en 30 días.

Publicidade

Preme na imaxe se queres saber máis deste evento.

Na orde do día figura tamén unha modificación do anexo de subvencións nominativas, en concreto para a Festa dos Callos de Ansemil-Martixe, ao cambiar de nome a entidade organizadora, constituíndose unha nova asociación (Asociación Cultural Festa dos Callos).

Publicidade

Preme na imaxe se quere contactar connosco.

Figuran tamén a dación de conta do periodo medio de pago e morosidade no primeiro trimestre do ano, e tres mocións presentadas polo BNG, sobre Altri, o mantemento do Centro de Saúde de Silleda, e seguridade viaria en rúa Trasdeza e Barrio do Camp