O Pino súmase ás microcredencias da USC e impartirá cursos de uso da IA e de xestión da terra

Estas formacións serán durante o mes de maio e é necesario anotarse antes do 7 deste mes

Laura Moure/O Pino

O Concello do Pino súmase ao convenio asinado entre Agader e a Universidade de Santiago para impartir formación que lle permita á veciñanza de entre 25 e 64 anos obter microcredenciais universitarias, un título propio da USC con validez en toda a Unión Europea.

Durante este mes de maio impartiranse dous cursos na aula TIC de Arca para un mínimo de dez e un máximo de doce alumnos cada un. As persoas interesadas deberán inscribirse antes do xoves 7 de maio nas oficinas municipais, no departamento de Servizos Sociais, ou chamando ao 981 511 002 para facilitar os seus datos.

 PUBLICIDADE

Se queres obter máis información do evento preme na imaxe.

O curso Como usar a intelixencia artificial (IA) no día a día ten unha duración de 10 horas, e impartirase durante tres tardes. Nesta actividade formativa analizaranse que é a intelixencia artificial, principais aplicacións e asistentes virtuais (ChatGPT, Gemini, Alexa,

Siri...), xeración de imaxes e os sesgos no manexo da información da IA, ou a privacidade e protección de datos.

O outro curso titúlase Xestiona a túa terra, e cunha duración de 5 horas impartirase en dúas tardes. Aquí analizaranse algúns dos instrumentos de mobilización e recuperación de

terras rústicas, como incorporar as fincas ou arrendalas no Banco de Terras, e trámites

electrónicos co Catastro ou co Rexistro da Propiedade.

 PUBLICIDADE

Preme para obter máis información.

A formación é totalmente gratuíta para o alumnado, que non ten que estar empadroado no

Pino. Toda a formación é presencial, con titorías online e cun grupo de alumnado de entre 10 e 12 persoas por curso. A USC expedirá un título oficial, válido para toda a Unión Europea.