O Pino pon á venda as entradas para o xantar popular da XXV Festa do Galo Piñeiro e Mostra Cabalar
- Laura Moure
- 8 jul
- 2 min de lectura
A comida celebrarase o domingo 2 de agosto, ás 15:00 horas, baixo a carpa instalada xunto á praza de Forcarei
Laura Moure/O Pino
O Concello do Pino acaba de poñer á venda as entradas para participar no tradicional xantar popular da Festa do Galo Piñeiro e Mostra Cabalar, celebración que este ano chega á súa XXV edición e que terá lugar a fin de semana do 1 e 2 de agosto.
O xantar, unha das citas máis destacadas do calendario gastronómico do municipio, terá
lugar o domingo 2 en Arca. Como sempre, será a partir das 15:00 horas baixo a carpa instalada xunto á praza de Forcarei, e reunirá centos de persoas.
PUBLICIDADE
As entradas teñen un prezo de 30 euros e poden adquirirse de forma anticipada en diferentes establecementos de hostalaría repartidos por distintas parroquias do concello.
Os puntos de venda habilitados son Bar Pedrouzo, Bar Muíño e Bar Regueiro, en Arca;
Perruquería Sandra, en Castrofeito; Bar Toxo, en Budiño; Bar Suárez, no Pino; Bar
Carballeira, en Gonzar; Restaurante Reta de Cobas, Restaurante O Cruceiro e Bar Varela,
en Lardeiros; Bar Cabaleiros, en Medín; Bar A Xesta, en Ferreiros; Parrillada A Esquipa, na
Salceda; e O Mesón, O Empalme e Andaina, en Cerceda.
PUBLICIDADE
Venda anticipada ata o venres 31 de xullo
A venda anticipada permanecerá aberta ata o próximo venres 31 de xullo. Ademais, no caso de quedar localidades dispoñibles, as entradas tamén poderán adquirirse o mesmo
domingo 2 de agosto pola mañá, no stand do Concello do Pino situado na praza de
Forcarei.
PUBLICIDADE
Desde o Concello do Pino anímase á veciñanza e ás persoas visitantes a participar nesta
cita gastronómica, un dos momentos centrais da XXV Festa do Galo Piñeiro e Mostra
Cabalar, unha celebración que cada ano pon en valor os produtos locais, a tradición
gandeira e a riqueza cultural do municipio, consolidándose como un dos grandes referentes festivos do verán na comarca.
Comentarios