A Asociación de Empresarios e Comerciantes de Silleda pon en marcha a campaña polo Día do Pai

Extenderase ata o día 31 e repartirá varios premios

Ecos da Comarca/Silleda

A Asociación de Empresarios e Comerciantes de Silleda (Ecos) pon en marcha hoxe a súa nova campaña polo Día do Pai que se vai extender dende o xoves 13 o luns 31 de marzo. Para poder participar os clientes deben de xuntar tickets por valor de 50 € en compras nos establecementos de Ecos, pode ser un so ticket ou ben a suma de varios os cales os clientes deberán introducir nun sobre que lle facilitara o establecemento co seu nome e teléfono de contacto e quedará depositado na urna do propio establecemento.

Ana María Andújar Rodríguez (Vicepresidenta de ECOS)

Publicidade

Preme na imaxe para obter máis información do evento.

O sorteo levarase a cabo o vindeiro xoves 3 de abril en directo a través das redes sociais da asociación mediante o seguinte procedemento: todos os sobres cos tickets irán nunha urna e noutra iran seis sobres coas seguintes opcións: multiplica por 2, multiplica por 5 e multiplica por 10, suma 100 €, suma 150 € e suma 200 €.

Publicidade    

Preme na imaxe se queres contactar connosco.

Á hora de sacar os premios collerase un sobre de cada unha das urnas co cal o sobre premiado pode ou ben sumar o ben multiplicar dependendo do que saia na segunda urna.

Para cada un dos tres premios hai un máximo ata o cal poden sumar ou multiplicar en función do valor dos tickets:

-1º premio: máximo 1.000 €

-2º premio: máximo 500 €

-3º premio: máximo 300 €

Os premios serán en forma de vales de compra para gastar nos comercios asociados.