Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

O Pino destina 35.000 euros a axudas á compra de material escolar, informático e para conciliación

Establécense tres liñas cun máximo de ata 1.100 euros por familia



Laura Moure/O Pino

O Concello de O Pino destina este ano 35.000 euros para axudar as familias a soportar os gastos derivados do comezo do curso escolar. Este xoves remitíronse ao Boletín Oficial da Provincia as bases das axudas para gastos que faciliten a escolarización, a compra de material escolar, informático, e para respiro familiar e medidas de conciliación. Agárdase que as familias poidan solicitadas dende mediados de setembro.


Estas axudas contemplan tres liñas de apoio ás familias. A primeira é para a compra de material informático para alumnado de Primaria, ESO ou Bacharelato, que teñen un importe total de 15.000 euros. Neste caso, a axuda para acada alumno será dun máximo de 300 euros e a contía límite para a unidade familiar será de 500 euros.


A liña 2 está dirixida a sufragar os gastos que faciliten a escolarización no segundo ciclo de Educación Infantil, Primaria, ESO e Bacharelato, cun importe total doutros 15.000 euros. A contía da axuda sería dun máximo de 200 euros por alumno (ata un límite de 300 por unidade familiar).


A terceira liña de axudas vai dirixida a apoios económicos para respiro familiar e medidas de conciliación, e contan con 5.000 euros. O máximo de axuda para unha unidade familiar será de 300 euros.

As axudas están destinadas a escolares integrados nunha unidade familiar que se atope en condicións socioeconómicas menos vantaxosas. Nas liñas 1 e 2 considérase a unidade familiar os núcleos de convivencia formados por nais, pais ou titores de menores de 18 anos empadroados no Concello do Pino e que residan no domicilio familiar.


Na liña 2, considérase a unidade familiar a formada por pai e nai non separados legalmente e, se é o caso, o titor ou persoa encargada da garda e protección do menor, e os descendentes e ascendentes que figuren empadroados e residan no domicilio familiar.


Cando se pode solicitar

As familias poderán solicitar estas axudas unha vez que as bases da convocatoria estean aprobadas definitivamente, o que se agarda ocorra a mediados do mes de setembro.

O Concello remitiu este xoves as bases ao BOP. Unha vez que se publiquen no Boletín Oficial da Provincia (agardase que sexa a principios da vindeira semana), hai que remitir o texto a Base Nacional de Subvencións, que tarda uns días en publicadas. Cando o faga, o texto volvese remitir ao BOP. Ao día seguinte de que se publiquen as bases definitivas no BOP as familias xa poden solicitar as axudas.


12 vistas0 comentarios
IRS.jpg

ESPAZO DISPOÑIBLE PARA ANUNCIARSE