O Pino colabora coa Asociación Compostelá de Esclerose Múltiple cunha masterclass de zumba

Terá lugar o día 21 no polideportivo de Lameiro

Laura Moure/O Pino

O Concello do Pino organiza o sábado 21 de outubro unha masterclass de Zumba solidaria en favor da Asociación Compostelá de Esclerose Múltiple (ACEM). A cita terá lugar no polideportivo municipal de Lameiro a partir das 18.00 horas coa participación de ata oito monitores e monitoras desta especialidade.

Publicidade

Preme na imaxe para obter máis información!

O obxectivo desta masterclass, na que se mestura o baile e a diversión, é recadar fondos

para axudar a esta entidade sen ánimo de lucro que naceu no ano 1995 co fin de contribuír

a mellorar a calidade de vida das persoas afectadas de esclerose múltiple, así coma a dos

seus familiares e coidadores. Dende 2007, a ACEM está recoñecida como entidade de

utilidade pública.

Publicidade

Preme na imaxe se queres contactar connosco.

Con esta finalidade establécese unha entrada solidaria de 5 euros. As persoas que acudan a masterclas tamén poderán mercar produtos de merchandising da propia Asociación. A actividade está aberta a todas as persoas, incluso a aquelas que nunca practicasen

zumba ou que desexen iniciarse nesta disciplina que forma parte da oferta deportiva

municipal neste curso 2023/24 con 40 inscritos na actualidade.