top of page

O parque infantil da Praza da Igrexa de Silleda, pechado polo estado fitosanitario das árbores

As análises extraordinarias encargadas polo Concello de Silleda certifican que a calidade da auga da traída é excelente


Laura Moure/Silleda

O Concello de Silleda vén de pechar o acceso ao parque infantil da praza da Igrexa de Silleda por motivos de seguridade, derivados do mal estado das árbores existentes nesta área. O pasado mes de setembro, despois da caída dunha pola de grandes dimensións e das observación realizadas polo personal do servizo municipal de xardinería durante a sua retirada, dende o Concello de Silleda procedeuse á tala completa dunha árbore e á poda de varias ramas para evitar situación de perigo. Á vista da situación, solicitouse un informe á Estación Fitopatolóxica de Areeiro, dependente da Deputación de Pontevedra, para revisar o estado das Acacias longifolias. Logo das visita dos técnicos, comprobouse que ademais de ter un dos pés parcialmente secos os exemplares tamén estaban afectados, con “deficiencias moi visibles e aparentes”.


Así, e tendo en conta a ubicación das árbores, nun espazo moi transitado e utilizado como é o parque infantil, ademais da análise visual tomáronse mostras para a análise fitopatolóxica no laboratorio. Do resultado do informe, con observación detalladas de cada un dos 5 exemplares de acacia, despréndese que todas elas está afectadas por fungos patóxenos, poñendo en risco de caída ás árbores, -sobre todo en circunstancias como os cambios de temperatura bruscos, situación que se dá estes días.


Publicidade


“Á vista do perigo que supón e do risco de caída, o Concello de Silleda decidiu pechar o acceso a este espazo á espera de que se executen as medidas advertidas no informe e toda vez que o Concello xa eliminou hai varios meses algunhas das ramas máis perigosas e talou unha das ábores ”, explica o alcalde, Manuel Cuiña. O mal estado e a gran afección das árbores (afectadas nalgún caso por 2 fungos diferentes), fai que no informe se recomente a tala de todos os exemplares eliminándoas polo pé e nalgún caso retirando tamén raíces e tocón.


Entre os fungos atopados figuran o Ganodema adspersum; Fusarium oxysporum; Fusarium solani, e Stereum hirsutum. Dende o Concello de Silleda axilizarase a tala advertida pola Estación Fitopatolóxica para poder dar solución no menor prazo de tempo posible a esta situación e poder abrir o parque ao público canto antes.


Estado da auga

Por outra banda, o Concello de Silleda conta xa cos resultados da analítica extraordinaria e urxente encargada a semana pasada a raíz das queixas veciñais en distintos foros das Redes Sociais que relacionaban a calidade da auga con avarías en caldeiras de domicilios. Así, o pasado xoves tomáronse tres mostras noutros tantos puntos da rede da traída municipal: á salida da Estación Potabilizadora de Aguas (ETAP) ubicada no Marco (Siador), na praza Benito Rivas de Silleda, e no final, da rede, á altura do polígono industrial Área 33.


Publicidade

O resultado das analíticas certifica que a calidade da auga é excelente, con valores nos dous casos analizados moi por debaixo dos límites establecidos.


Así, no caso da turbidez (dato co que xa contaba a semana pasada cando o Concello emitiu un comunicado advertindo da boa calidade do servizo), os datos acadados foro de 0,5 UFN (Unidade nefelométrica de turbidez) na salida da ETAP (cando o máximo é de 1); e de 0,45 UFN na praza Benito Rivas e 0,5 no polígono, sendo o máximo nestes puntos da rede de 5.



Á vista das queixas, dende o Concello pediuse a maiores unha análise dos sólidos en suspensión da auga, parámetro que non se esixe para augas de consumo humano (só no caso de verquidos e augas residuais) tamén con resultados que apuntan a excelencia da auga de Silleda, procedente do manacial de Monte Penido, en Siador. Segundo o laboratorio, para cuantificar os sóligos precisase ter un máximo de 5 miligramos por litro, estimándose que no caso de Silleda estarían en 2 mg., dato moito menor que apunta tamén a boa calidade da traída silledense.


Aínda así, e pese a que esta analítica e todas as que se envían periodicamente -como é preceptivo por Lei- ás autoridades sanitarias, dan bos resultados, á vista das queixas dos usuarios, dende o Concello anímase á veciñanza que vira afectadas as súas caldeiras a presentar unha reclamación en Consumo. “A día de hoxe non temos ningunha queixa por escrito no Rexistro Municipal por esta cuestión, pero seguiremos indagando, e en todo caso animamos á xente a que presente reclamación ante consumo, por se o problema estivese nas propias caldeiras”, indica o alcalde, Manuel Cuiña.


Todas a rede de PVC

Ademais dos resultados analíticos que confirman a excelente calidade da auga de Silleda, dende o Concello advírtese que o Servizo de Augas é dos departamentos que apenas rexistran queixan , cun servizo de atención as 24 horas. A maiores da calidade da auga, Silleda é tamén dos poucos municios que conta cunha rede de tuberías íntegramente de PVC, logo de substituirse nos últimos anos os poucos tramos que aínda quedaban de fibrocemento.


Publicidade

Dende o servizo, tamén se amosa a sorpresa por aseveracións feitas nos últimos días sobre posibles filtracións de lodos ás tuberías, tendo en conta que funcionan en carga e a presión.


Por último, dende o Concello de Silleda faise un chamamento á prudencia para evitar crear alarma entre a poboación sobre un servizo tan serio e que afecta á saúde pública como é o abastecemento de auga, evitando ademais acusacións sen ningún tipo de probas.


0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page