O Mosteiro de Carboeiro, de Silleda, aberto todos os días ata setembro

Laura Moure/Silleda

O mosteiro de Carboeiro, en Silleda, aplicará ata finais de setembro o horario de verán. Así abrirá todos os días durante este verán, de luns a domingo en horario de 11:00 a 14:30 e de 16:30 a 20:00 horas. Este calendario manterase durante os meses de xullo, agosto e setembro. A época estival coincide ademais co maior número de visitantes do cenobio e do seu entorno que nos últimos anos se vén situando en torno ás 20.000 entradas anuais.

No mosteiro atópase tamén o Punto de Información Turística da Rede Info Rías Baixas.

Publicidade

Preme na imaxe para obter máis información do evento.

1637 visitas en xuño

Por outra banda, o pasado mes de xuño accederon a este edificio histórico, declarado Ben de Interese Cultura, un total de 1.637 persoas. O perfil turístico deste mes corresponden a unha maioría de mulleres, de entre 35 e 65 anos, que se achegaron no seu vehículo particular e coa familia ata o antigo cenobio despois de facer unha busca na rede e atopar dito monumento.

Ademais, tamén houbo unha pequena porcentaxe (7%) de visitas que chegou a pé, pois viñeron paseando dende o Balneario de Brea ou decidiron facer o Sendeiro do Deza que comunica a Fervenza da Toxa co Mosteiro.

Publicidade

Preme na imaxe se queres contactar connosco.

No tocante á orixe, a procedencia das visitas foi moi variada, como soe ser habitual. A porcentaxe máis alta foi a de persoas galegas (82%), as cales pertencían na súa maioría ás provincias de Pontevedra e A Coruña, e máis concretamente á cidade de Santiago de Compostela (130 pax). Por outro lado, as visitas procedentes de España (non galegas) foron mais de 200, sendo maioría da Comunidade de Castela e León. Finalmente, do extranxeiro achegáronse 62 persoas procedentes de lugares como Italia, Venezuela, Holanda, Paises Baixos, Arxentina, USA ou Francia, entre outros moitos.