O Mercamelide de Inverno celebrarase os días 21 e 22 de febreiro no Pazo de Congresos

Os locais que queiran participar teñen de prazo ata o 23 de xaneiro para anotarse

Ecos da Comarca/Melide

A Asociación de Empresarios e Empresarias da Terra de Melide, en colaboración co Concello da localidade, organizará o Mercamelide os días 21 e 22 de febreiro no Pazo de Congresos. Durante esta fin de semana diversos comercios de proximidade ofrecerán os seus produtos e artigos a prezos reducidos.

 Publicidade/DOAZÓN PARA ECOS DA COMARCA

O Mercamelide xa ten o prazo de inscricións aberto para os negocios ou establecementos que se queiran unir a esta feira de saldos, unha das citas comerciais do ano na comarca da Terra de Melide. Para anotarse é preciso achegarse ata as oficinas de Asetem (rúa Lino Sexto). A data límite para inscribirse é o 23 de xaneiro.

 Publicidade

Preme na imaxe para obter máis información.

Este evento ofrece unha importante oportunidade para a dinamización económica e comercial. O público valora especialmente os importantes descontos e a calidade dos

produtos, pertencentes a sectores distintos como o mobiliario, menaxe, fogar, decoración, calzado, mercería, deporte, beleza, electrodomésticos, complemento ou seguros, entre outros.