O lalinense Beltrán Rivas, sexto no Campionato de España Sub16

Durante a xornada, o tempo non foi favorable para conseguir unha mellor marca e chegar ao podio

Ecos da Comarca/Lalín

O atleta lalinense Beltrán Rivas participou no campionato de España Sub16, na proba de salto de altura, que tivo lugar en Lleida durante toda a fin de semana. A súa proba, en concreto, celebrouse o domingo, nunha xornada na que o vento dificultou a realización da proba con normalidade.

Beltrán Rivas e Pepe Domínguez.

O atleta lalinense acadou unha sexta posición, realizando un salto de 1,75 metros. Cabe lembrar que asistía á proba cunha marca de 1,79 metros, que de acadala quedaría nunha segunda posición. Dende o Club indican que están orgullosos do resultado conseguido, aínda que “queda a espinilla de quedarnos sempre ás portas do podio, pero de seguro que o conseguirá en futuras competicións, xa que ten unha actitude moi positivo e traballa diariamente para obter os mellores resultados”. 

Publicidade

Preme na imaxe para contactar con nós.

Concentración en Suecia

En vindeiras semanas, Rivas visitará Suecia xunto co compañeiro Breogán García, onde se atopa o adestrador Nacho Castro por motivos laborais. Participarán nunha concentración deportiva e estarán durante unha semana realizando diferentes probas deportivas no país nórdico.