O III Quad Cross Country/ Motos disputarase o 28 en Touro con participantes de toda España e de Portugal

As inscricións estarán abertas ata o xoves 25 deste mes

Ecos da Comarca/Touro

A localidade de Touro acollerá o domingo 28 de setembro o III Quad Cross Country/ Motos, que está organizado polo clube Os do Jatillo e que conta coa colaboración deste Concello. É puntuable para o Campionato Galego. E ademais este ano, como antesala a esta competición, o club promove tamén para o sábado unha xornada con música. A cita deportiva foi presentada este venres pola concelleira de Deportes de Touro, Isolina Suárez, e polos membros do clube organizador Hugo Cepeda, Víctor González, Diego Montaña e Enrique Paderne.

Así o sábado 27 de setembro coincidindo coa celebración da XI Carreira Pedestre Popular Concello de Touro, Os do Jatillo organizan unha xornada festiva a partir das 20 horas, tras a entrega dos premios da carreira, que será a cargo da charanga BB+.

Xa o domingo arrancará a competición do III Quad Cross Country/ Motos, a partir das 9 horas.

 PUBLICIDADE

Preme na imaxe para obter máis información do evento.

Categorías

Moto:

● Femenino

● Máster

● Veteranos

● Senior B 4T

● Senior B 2T

● Junior

● Senior

● E 50 cc

● E 65 cc

● E 85 cc

● E Open

Quad:

● QXC Iniciación -400

● QXC Iniciación +400

● QXC Open

PUBLICIDADE

Preme na imaxe se queres contactar connosco.

“Xa temos inscritos de toda España, como Madrid, País Vasco, Burgos, Cataluña... e tamén de Portugal”, indica Hugo Cepeda quen informa que as inscricións estarán abertas ata o xoves 25 de setembro ás 23:59 horas. Os interesados deben inscribirse a través da Federación Galega de de Motociclismo ou contactanco coa organización a través do teléfono 680 428 053 (Hugo) ou 690 063 099 (Víctor).

O recorrido cambiará significativamente con respecto a do ano pasado. “Recomendamos aos participantes que o sábado visiten a pé o percorrido e o fagan cun calzado cómodo e leven auga porque é un trazado duns 10 quilómetros”, explica Cepeda.

Horarios