O I Mercado de Nadal de Agolada albergará unha vintena de postos

Música, literatura, obradoiros infantís, a visita do Apalpador... conforman a programación

Laura Moure/Agolada

A maxia volverá aos Pendellos de Agolada o vindeiro 23 de decembro. Ese día albergará o I Mercado de Nadal que contará cunha vintena de postos, algo que destaca a organización debido a súa boa acollida, e que incluso, aínda segue habendo xente chamando para poder asistir.

Haberá unha programación moi variada que inclúe música, literatura, obradoiros infantís... e a visita do Apalpador, enmarcada no programa da Deputación de Pontevedra. Toda a información pode consultarse na imaxe:

Esta iniciativa está organizada por Uzkalutopía, a Tenda Ramón, Inma Galego, Studio Kléc, Xavier Aboy Úrkalo e pola Asociación Daquí Darredor contando coa colaboración do Concello.

Preme na imaxe se queres contactar connosco!

Sen dúbida, será un bo plan para achegarse ese día ata Agolada e desfrutar deste enclave histórico que contará ademais con luces de Nadal.

NOTICIA RELACIONADA:

• https://www.ecosdacomarca.com/post/os-pendellos-de-agolada-acollen-o-23-de-decembro-o-i-mercado-de-nadal