O GTR tivo unha fin de semana completa percorrendo varias probas por España

Ecos da Comarca/Lalín

O GTR tivo unha fin de semana completa percorrendo varias probas por España

Comezaban a fin de semana onde Enrique Rojo, de Chantada, viaxaba ata a Palma onde o sábado participou na Transvulcania, na distancia ultra de 70 km e +4600 positivos.

Outra Galaica, Patri Varela, (subcampioa galega de medio maratón), o facía rumbo a Navarra xunto co resto do equipo da selección de Trail da Federación Galega de Atletismo para competir en Lerín. Foi unha carreira rápida de 27 km onde o calor lle xogou unha mala pasada, pero finalmente conseguía entrar en meta e sumar puntos para o seu equipo galego.

Tamén en Navarra se topaba a socia Cristina Taboada, que participou na Extreme Higa Monrreal, onde a carreira tivo un ascenso á cume Higa, alcumada Gigante de la Cuenca.

Preme na imaxe se queres contactar connosco.

Sé Senande, Cristóbal Dafonte e Margarita Blanco, algo máis cerca, participarían na Zangarun, en Zamora onde o segundo posto da xeral foi para Cristóbal e o terceiro de categoría para Marga.

Xa en Galicia, ata Mondariz foron na distancia Trail Alina Cimpean, 2° da xeral, e Tamara Seijas, quen acadou o 3° da cat. sénior. No Trail curto de 14k, debut de Ana López que subiu ao caixón no 2° posto da xeral, demostrando unha vez máis o alto nivel deportivo que ten o club.

Por outra banda, Daniel Santalla entrou en meta en 3:15 horas e Juan Ramón en 2:58 h. Este Trail Orixes de Mondariz foi un percorrido puro, montes virxes, autóctonos, cheo de auga e de barro, zonas de carballeiras pechas, fermosos cresteos e baixadas como tobogáns.

Finalmente, na carreira da Batalla de Cacheiras en Teo participou Camilo Framiñán. No Trail de Vila Nova de Cerveira (Portugal) correu Toño Alvarellos na distancia curta.