"O GTR Galaico Trail Run seguirá como club da Federación Galega de Montaña sempre axudando no que sexa máis beneficioso para o club e os nosos corredores e corredoras"
Ecos da Comarca/Deza
A directiva do GTR Galaico Trail Run quere aclarar varios temas que apareceron nas pasadas semanas e que considera que se sacaron de contexto algunhas cousas. "Sempre fomos un club de montaña e seguirémolo sendo, xa que os valores que este representa e nos transmite coidamos que son por os que sempre nos guiamos dende que o club naceu", recalca.
Polo tanto, o GTR Galaico Trail Run seguirá como club da Federación Galega de Montaña, "sempre buscando e axudando no que sexa máis beneficioso para o club e os nosos corredores e corredoras, os cales sempre demostraron saber facer e responsabilidade en tódolos ámbitos, tanto a nivel deportivo como organizativo". "Tamén nos comprace informarvos de que o Trail de Vilatuxe segue no 2022 e con grandísimas sorpresas e novidades. Por este motivo esperamos seguir contando coa axuda deste grupo humano incríble que formamos".
Comentarios