O Grupo Vivo de Cruces anima á veciñanza a asistir á manifestación na Pobra contra Altri e a mina

Haberá servizo de autobús, pero é necesario anotarse previamente

Ecos da Comarca/Vila de Cruces

O Grupo Vivo de Vila de Cruces quere convidar á veciñanza do concello a participar da

manifestación que se celebrará o próximo sábado 22 de marzo na Pobra do Caramiñal, en

defensa da nos aterra e do noso mar.

Publicidade

Preme na imaxe para obter máis información do evento.

"Debido á información da aprobación do Proxecto de Impacto Ambiental da Macrocelulosa Altri que pretende atentar contra o noso país da man da Xunta, consideramos fundamental unha resposta masiva de rexeitamento, e queremos que os nosos veciños e veciñas saiban que Vila de Cruces é un dos concellos, xunto con Arzúa, Santiso e Agolada que servirá de primeiro filtrado deste atentado medioambiental que verterá directamente no encoro de Portodemouros", subliña.

Publicidade

Preme na imaxe se queres contactar connosco.

E apunta que "cunha Macrocelulosa a escasos 11 quilómetros e unha mina a 3, vertendo e filtrando os seus residuos ás nosas augas, debemos ter unha resposta contundente. Por isto, o sábado 22 de marzo haberá a disposición da veciñanza un autobús que partirá da

praza do Concello ás 9:30 horas, polo que aquela xente que queira facer uso deste servizo deberá reservar praza a través do correo electrónico do grupo vivo (viladecrucesviva.altrinon@gmail.com) ou por whatsapp aos teléfonos: 648 950 199 / 679 032 201".