Ecos da Comarca/Vila de Cruces
O PP de Vila de Cruces denuncia que o goberno local "non aplicará a bonificación do 90% do IBI no recibo de 2024". Recorda que o 2 de outubro de 2023 aprobouse, por unanimidade en pleno municipal a bonificación do 90% do imposto relativo ao chan dos núcleos de poboación (sen considerar a edificación). Esta proposta de reducir este imposto foi exposta e defendida polo Grupo Municipal do Partido Popular de Vila de Cruces. "O 24 de outubro de 2023 ante a pasividade do Goberno local, o PP de Vila de Cruces instou o Sr. Taboada que procedese coa tramitación para a bonificación do 90% antes de finalizar este ano 2023, co obxectivo de que os recibos do próximo ano 2024 aplicásese a mencionada bonificación".
Publicidade
O PP de Vila de Cruces lembra e insiste "proactivamente ao Goberno local durante os meses de outubro e novembro que debían iniciar os trámites administrativos necesarios para que os recibos do IBI do 2024 tivesen a bonificación do 90% pero caso omiso por parte do equipo de goberno. Hoxe comunicamos aos veciños de Vila de Cruces que o Goberno Local de maneira consciente fixo o posible para deixar correr os prazos administrativos establecidos e así non ter que aplicar a bonificación do 90% nos recibos do ano 2024".
Publicidade
"O Sr. Taboada demostrou durante estes anos que non lle quita o soño seguir gastando o diñeiro de todos os veciños en propagandas en medios de comunicación para limpar a súa imaxe e manter ao séquito de concelleiros con dedicacións exclusivas e asesores en vez rebaixar a carga fiscal dos seus veciños e veciñas de Vila de Cruces. Como partido político na oposición continuaremos asumindo a nosa responsabilidade de control ao Goberno, presentación de propostas mediante a vía de mocións e a esixencia ao Goberno Local do cumprimento dos acordos aprobados en pleno municipal".
Comments