O goberno de Monterroso valora "a súa boa xestión" ao cerrar o orzamento en preto de 1,5 millóns

A alcaldesa destaca tamén a captación de fondos externos a través de diferentes axudas coas que seguir avanzando en novos proxectos deste municipio

Ecos da Comarca/Monterroso

"A boa xestión e o intenso traballo do Concello de Monterroso tradúcese en preto dun millón e medio máis para os orzamentos, o que permitiu mellorar a calidade de vida da cidadanía", recalca o Concello. A propia alcaldesa, Rocío Seijas, resaltou "o gran resultado" do exercicio orzamentario do ano pasado que cerrou o exercicio con 1.468.074,64 euros máis dos 2.957.221,12 aprobados inicialmente, "captando fondos externos a través de diferentes axudas coas que seguir avanzando en novos proxectos para Monterroso".

"A ampliación do crédito, conseguida co intenso traballo que dende o equipo de goberno do Concello se está levando permitiu acadar fondos de todas as administracións tanto provincial, autonómica como estatal traducíndose así nun crédito definitivo de 4.425.295,76 euros", recalca. E esta é a reparticiçon:

● Servizos sociais: 819.500,29 euros.

● Fomento do emprego: 368.038,64 euros.

● Educación: 286.339,32 euros.

● Deporte: 170.102,65 euros.

● Infraestruturas no rural: 411.483,40€euros.

● Vivenda e urbanismo: 371.471,57 euros.

● Servizo de administración xeral: 399.200.36 euros.

● Cultura: 464.067,09 euros.

"Toda esta boa situación económica, froito das tarefas de negociación do Concello con outras administracións, mantense a pesares de estar asfixiante situación contraída no 2001 coa que se mantén a débeda e todo elo cun remanente de tesouraría de 1.663.721,01 euros", incide. A maiores, a alcaldesa, sinala que Monterroso paga aos seus provedores nun prazo inferior ao establecido pola normativa, "o que é sinónimo de boa xestión, transparencia e traballo e permite o apoio e a confianza de provedores, especialmente locais".

Preme na imaxe se queres contactar connosco!

Destaca, asemesmo, que se trata dunha xestión "responsable que garante unha axeitada

prestación dos servizos municipais, mantendo unhas contas saneadas, equilibradas e con

capacidade financeira para poder facer fronte ás obrigas e para afrontar novos investimentos".