Ademais desta, hoxe anuncio outras medidas como a rebaixa do IVE do 4% ao 0% en alimentos de primeira necesidade e do 10% ao 5% para aceites e pasta
Laura Moure/Xeral
O presidente do Goberno de España, Pedro Sánchez, comunicou este martes distintas medidas que se tomarán para, segundo el, "paliar a inflación e protexer aos colectivos máis vulnerables".
Estas medidas, que entrarán en vigor o 1 de xaneiro de 2023, son:
Rebaixa do IVE do 4% ao 0% en alimentos de primeira necesidade e do 10% ao 5% para aceites e pasta.
Cheque de 200 euros para familias con rendas anuais de ata 27.000 euros.
Prórroga durante o 2023 da gratuidade dos abonos de Cercanías, Rodalíes e Media Distancia.
Rebaixa do 30% do transporte público urbano e interurbano de comunidades autónomas que o complementen ata o 50%.
Prórroga do tope ao prezo dos alugueiros seis meses máis, á suspensión dos desafiuzamentos e da suspensión do corte de subministracións esenciais.
Xubilación activa mellorada: sistema para que profesionais de Atención Primaria poidan complementar o 75% da súa xubilación cun servizo a xornada completa ou parcial.
Eliminación da axuda de 20 céntimos ao combustible, salvo para transporte profesional por estrada, agricultura ou pesca.
Incremento do 15% do Ingreso Mínimo Vital e de pensións non contributivas.
Comments