top of page

O goberno cruceño agradece o traballo do Garda Civil Felipe Ferreiro polos seus 25 anos no concello

Laura Moure/Vila de Cruces

O goberno de Vila de Cruces agradece e recoñece ao Garda Civil Felipe Ferreiro Fernández polos seus máis de 25 anos de dedicación e servizo neste concello.

"Durante todo este tempo, o Garda Civil Ferreiro foi un modelo a seguir no seu traballo e no seu compromiso coa seguridade e o benestar da veciñanza. A súa profesionalidade e entrega no cumprimento das súas funcións foi excepcional, sempre cunha actitude amable e cercana cara aos veciños", recalca o Concello.

O alcalde, Luis Taboada, quixo destacar a importancia do seu traballo, subliñando que o "seu labor foi fundamental para manter a seguridade e a orde na localidade". Así mesmo, valorou "o seu compromiso e dedicación no desempeño das súas funcións, o que permitiu que o municipio de Vila de Cruces sexa un lugar máis seguro e tranquilo para todos".

"En definitiva, o Goberno quere expresar a súa gratitude cara ao Garda Civil Ferreiro e o seu compromiso co servizo público, sendo un exemplo para todos aqueles que traballan no ámbito da seguridade cidadá. O seu legado perdurará e será un referente para as xeracións vindeiras", reitera o Concello.



0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page