Ecos da Comarca/Palas de Rei
O Grupo de Emerxencias Supramunicipal (GES) de Friol-Palas que dá cobertura aos concellos de Begonte, Guitiriz, Outeiro de Rei, Palas e Friol realizou durante 2024 un total de 251 intervencións. Dende a súa posta en marcha, en 2022, superou xa o millar de actuacións, tal e como informa o Concello palense.

Entre o tipo de actuación que levaron a cabo están as saídas para: atender accidentes; relacionadas con fenómenos meteorolóxicos; con fauna; con retirada de niños de velutina; con incendios; con vertidos, entre outras.
Publicidade
O GES de Friol-Palas está formado por 12 profesionais con sede nunha nave municipal do polígono de Friol. Para levar a cabo as intervencións acometidas, o grupo de emerxencias conta cunha motobomba urbana, un vehículo motobomba forestal, un vehículo de emerxencias, un vehículo de transporte, equipos de eliminación de velutinas, de excarcelación e outros equipos necesarios para realizar o seu traballo diario.
Comments