top of page

O Ecocamiño transcorrerá por Sarria, Portomarín, Palas de Rei, Melide, Arzúa, O Pino e Santiago

Trátase dun evento que combina deporte, cultura, historia, gastronomía e e corresponsabilidade


Laura Moure/Melide/Palas/O Pino

O salón de plenos do Concello de Melide acolleu este mércores a presentación do Ecocamiño. Trátase dun evento que combina deporte, cultura, historia, gastronomía e ecorresponsabilidade. Celebrase entre os concellos de Sarria, Portomarín, Palas de Rei, Melide, Arzúa, O Pino e Santiago de Compostela os días 21 e 22 de outubro.

No evento de presentación estiveron presentes, Antonio Leira, deputado de Deportes e

Mocidade da Deputación de A Coruña, José Manuel Pérez, alcalde de Melide, Carmen

Liñeira, concelleira de deportes de Melide, así como Rodrigo González, concelleiro de

Palas de Rei e membros da organización.


O evento reunirá a 250 participantes de todas as comunidades autónomas españolas e

contará con dous formatos: un trazado de 110 quilómetros entre Sarria e Monte do Gozo,

que pasará por Melide, e outro que partirá dende o cantón de San Roque de Melide e

percorrerá os 48 km que o separan do Monte do Gozo.


Publicidade

Os participantes inscritos na proba contan con varias modalidades, dende equipos de 3

persoas que deberán percorrer xuntos todo o percorrido de 110k de distancia ata a

Ekiden, coa posibilidade de realizar 6 relevos e na que participarán un mínimo de 3

persoas. A variante con saída en Melide e chegada ao Monte do Gozo, con 48 km de

distancia, presenta dúas modalidades: correndo ou marcha nórdica.


Publicidade

Para o alcalde de Melide, José Manuel Pérez, “é de agradecer que Melide sexa escollido

de novo como lugar de presentación dun evento que contribúe a difundir a nosa cultura,

patrimonio e gastronomía, atraendo a familias de participantes a pasar unha fin de

semana no noso concello”.

0 comentarios

Comentarios


IRS.gif
Copia de ¡TU Anuncio!.gif
Ecos_da_Comarca_neg.png
bottom of page