O DOG publica o acordo de reestruturación parcelaria da zona de Val de Camba, en Rodeiro

Esta reorganización territorial afecta unha superficie total de 1.854 hectáreas, propiedade de 722 veciños

Ecos da Comarca/Rodeiro

O Diario Oficial de Galicia (DOG) publica hoxe o anuncio da Consellería do Medio Rural polo que se aproba o acordo da reestruturación parcelaria da zona de Val de Camba, no concello pontevedrés de Rodeiro, que afecta 1.854 hectáreas.

Este paso supón a determinación dos predios de reemprazo cos novos titulares, coa superficie resultante da reorganización e coa nova clasificación da terra. Así, reorganizáronse un total de 7.529 parcelas en 1.724 predios.

Contra esta resolución, as persoas interesadas poderán interpoñer recurso de alzada ante a persoa titular da Consellería do Medio Rural, dentro do prazo dun mes, contado desde o día seguinte ao da notificación persoal ou publicación substitutiva, é dicir, no Diario Oficial de Galicia ou no Boletín Oficial del Estado.

Un dos encontros para avanzar nesta concentración parcelaria.